über mi und …
|
|
Martin Schlickenrieder hoas i, doch de
mehran song "Schlicke" zu mir. Bin a 1965er Jahrgang und seit 1990
mit meina Frau Heidi ( geborene Loth)
verheirat, vier Kinder kean zu uns, Marte, Maria, Kilian und Theresia unsa
kloanste und unsa Oma Stasi. Mia ham an Bauernhof in Dorfen beim "Klostermoar". Aufgwagsn
bin i in Aufhofen auf´n Hof vo meine Eltern beim "Grasberger". Zwoa
G´schwister hob i, mein großn Bruada Hartl und mei kloane Schwester Marlene.
Nach meina Schuizeit hob i 1980 a Lehr ois Heizungsbauer o´gfangt und nach
drei Jahr erfolgreich abgschlossn.
1987-89 bin i in d´Landwirtschaftsschui ganga und an
Landwirtschaftlichen Gehilfenbriaf hob i 1997 no gmacht. Wia scho gsogt unsa Hausnama is beim
"Klostermoar" mia ham seit 19.März 2011 an Nebenerwerbsbetrieb, weil
mit da Milchwirtschaft im Vollerwerb is nimma gnua überblim, es hod sich
einfach ned rendierd. Mia stein jetzt auf Mutterkuahoitung um seit letzts
Jahr fahr i no Lastwong. Trotzdem hob i no andere Beschäftigungen
"wo i leider nimma so vui Zeit hob". Musispuin dua i no bei da SchäDo Blos´n, da Beuerberger Blosmusi,
de Beuerberger-Alphornbläser
und no a bissä bei da Vaterdogsmusi.
Bei da Dorfna Feierwehr und da Jagdgenossenschaft bin i ois Vorstand Aktiv,
beim Bauernverband BBV und Bundesverband Deutscher Milchviehalter BDM misch i
a no mit. Bei da ZSG Dorfen und an
Aufhofra Schützenverein dua i Schiaßn und beim Soldaten und Kriegerverein is
ma a no. Hoffentlich hob i koan
vergessen. Jetz blos ned denga dea is a Vereinsmaier, doch des lappert sich
so über die Jahre zam und irgendwia ko i so schlecht na song. Weihnachten 99´hod s´Christkindl an
Computer bracht und seitdem beschäftig i mi mit dem Gerät. Mei Frau konn gar
ned versteh wia ma si so lang vor des Zeig hi hoga ko (is aba a scho weniga
warn). Im Frühjahr 2001 hob i mia an Internet- Anschluss zuaglegt und seit´n
Sommer hod mi der Gedanke von a eigenen Homepage nimmer auslassn. Doch dann
war's so weit, seit 2.September 01 bin i drin im WWW. Vui hätt´n mia des
wahrscheinlich ned zuatraut oder song jetz spind a, für wos braucht er des
aber des is mir wurscht, i hob mei freid damit und des is d´Hauptsach. Oder? Familienfoto
von 2001 Theresia
und Mama |
meiner
einer unsere
Kinder |
Kilian und
Maria (schaung
ned oiwei so) |
|
Theresia |
|
Marde und
Maria |
|
wo
is da Schlicke gugug |
unsa
Hochzeit 1990 |